Aðalfundur SBU 21.ágúst 2020

Ágæti félagsmaður

Stéttarfélag bókasafns- og upplýsingafræðinga heldur aðalfund sinn föstudaginn 21. ágúst 2020 kl. 12-13:30. Fundurinn verður haldinn í salnum Ási á 4. hæð í Borgartúni 6, Reykjavík, og einnig verður hægt að vera á símafundi. Félagsfólki er bent á að jafnaði gefst kostur á að sækja fund sem þennan í vinnutímanum að höfðu samráði við næsta yfirmann.

Kosið verður um 3 stjórnarsæti þar af um formann ásamt 1 varamanni. Félagsmenn eru beðnir um að skrá sig á fundinn, bæði í Borgartúni og í fjarfund. Lokað verður fyrir skráningu miðvikudaginn 19. ágúst 2020 kl. 16:00.

Þátttaka í símafundi er bundin við að hafa skráð sig fyrir þennan tíma, en fundurinn í Borgartúni er opinn öllum félagsmönnum SBU.

Dagskrá fundarins

  1. Skýrsla stjórnar.
  2. Reikningar félagsins.
  3. Lagabreytingar.
  4.  Fjárhagsáætlun fyrir næsta ár ákvörðun um félagsgjöld og önnur gjöld.
  5. Kosning stjórnarmanna sbr. 5.gr.
  6. Kosning tveggja skoðunarmanna reikninga.
  7. Kosning í nefndir og til annarra trúnaðarstarfa innan félagsins.
  8. Önnur mál.

Að loknum aðalfundarstörfum verður boðið upp á hádegisverð, tíma fyrir umræður um framtíðina, fortíðina og allt þar á milli.

Fyrir hönd stjórnar SBU

Sigrún Guðnadóttir, formaður